今次同朋友黎咗呢間Garden Bar & Restaurant食好西。叫咗兩份set dinner，有湯或沙律、main course同飲品。
先黎嘅沙律同羅宋湯，清新開胃。
香煎北海道帶子配黑松露忌廉闊蛋麵，帶子煎得好香，兩面帶焦糖色脆面，鎖住鮮味同肉汁，肉質鮮嫩彈牙，唔會太乾身。闊蛋麵蛋香味重，加埋黑松露忌廉，夠彈夠creamy。
法式香烤蝴蝶春雞，原隻烤製，肉質嫩滑juicy，加埋烤雜菜同薯條，非常豐富。
呢到嘅飲品賣相精美，好適合打卡。肉桂檸檬蜂蜜茶，肉桂同檸檬蜂蜜味道估唔到咁夾。蜜桃烏龍茶，除咗蜜桃仲有橙、無花果等生果，果味香濃。
。
。
Garden Bar & Restaurant
尖沙咀柯士甸路7-9號煥利商業中心地下A號舖
。
。
Search